Lidderfrënn Monnerech

Den 13.12.2025 hate mir op eisen Adventsconcert zu Monnerech invitéiert. Zu Gaascht waren d’Kierchechéier vu Monnerech a vu Biergem-Steebrécken.

Flott Ambiance mam Rol Girres a Marion Welter bei enger lëtzebuerger Assiette an engem gudde Pättchen.

Lauter Gewënnerlidder vum Grand-Prix eurovision de la chanson vun 1956 bis 2000 hu mir op dësem Gala-Concert presentéiert, e Concert dee moderéiert gouf vum Gina Moltofriddiga, alias Dominique Vitali, mat als special guest dem Marc Linden.

Den 12. Dezember 2025 hu mir un der 2. Editioun vu « La voix des choeurs » deelgeholl. Dese flotte Concert, organiséiert vum George Philipart, huet verschidde Chéier am Festikuss zu Zolwer op d’Bühn bruecht!

Am Advent 2024 hu mir vill verschidde Concert’en op verschiddene Chrëschtmäert an an enger Reih Altersheimer gesongen.

Den 11. Mee hu mir eise Fréijorsconcert presentéiert, zesumme mam « Cercle des mandolinistes Heemechtsléift Kayl ».

« La voix des choeurs » – dese flotte Projet war organiséiert vum George Philippart am Kader vun der « Journée mondiale du chant choral ». Hei gouf de Chouergesank an de Mëttelpunkt gestallt an zesumme mat 4 aanere Chéier haate mir hei d’Chance franséisch Lidder ze presentéieren!

Flotte Concert fir den Advent vun de Lidderfrënn an dem Groupe Vocal Europa 2000 vun Audun-le-tiche.

Flott Ambiance mam Shanty-Chor Freudenburg, déi äis an d’Atmosphäre vun der Nordséi enfouert hunn an duerno Danzmusik mam Jeannot Conter.

Mir waren op Idar-Oberstein eng Edelsteng-Grouf kucken an duerno d’Edelstengschläiferei « Weiherschleife ».